शहीद: मेजर प्रफुल्ल मोहरकर

-

माझे हे शब्द शत्रूच्या हल्ल्यात शहीद झालेल्या मेजर प्रफुल्ल मोहरकर यांना समर्पित…


त्यादिवशी भारतमाता परत
हमसाहमशी रडली असेल
प्रफुल्लाच्या जाण्याने पुन्हा
तिचे काळीज तुटले असेल

 जोरात टाहो फोडला असेल
 देऊ किती लेकरांचे बळी?
 माझ्या रक्षणासाठी अजून
 करू किती जीवांची होळी?

 रोज एका लेकराची माझ्या
 खुशाल आहुती चढतेय
 आपल्या पिलांना वाचवण्यात
 ही माय वांझोटी ठरतेय

 शेवटपर्यंत निकराने लढताना
 अखंड रक्ताने न्हाऊन निघाला
 पण त्याचा शेवटचा श्वासही
 सहकाऱ्यांसाठी अडकला

 त्याची अगतिक तळमळ
 बघून यमही असेल थांबला
त्याचे प्राण घेऊन जाताना
 क्षणभर तोही असेल रडला

 आम्ही आपले खुशाल
 इकडे आनंदात लोळतोय
 वर्षाअखेरच्या पार्ट्यांमध्ये
 ग्लासात बर्फ घोळतोय

 पेपरातल्या मात्र बातम्या
पाहून मन होते उद्विग्न
 हुतात्म्यांना एक रकाना
 अन् गाजते तारकांचे लग्न

 खरंच आमची चामडी
आता गेंड्याची झालीय
 सीमेवर सैनिक मरतोय पण
 आम्हाला काय पडलीय?

 मकरंद 🖊

Comments

Post a Comment

Popular posts from this blog

खरंच सांग ना बाबा

-
Image
ह्या कठीण परिस्थितीत बेशिस्त नागरिकांना नियंत्रण करण्यात कार्यरत असताना आपले  काही पोलिस बंधू कोरोनामुळे दगावले. मग त्या मृत पोलिसाचे लेकरू जेव्हा प्रश्न विचारेल  तेव्हा आपले काहीच उत्तरदायित्व नसेल? खरंच सांग ना बाबा खरंच सांग ना बाबा इतके गरजेचे होते का तुझे जाणे? सगळे घरात बसले असते तुलाही जावे लागले नसते खरंच त्यांचे बाहेर भटकणे तुझ्या जीवाहून मोलाचे होते? तूही माणूसच होतास ना रे धोका तुलाही होताच ना रे मग त्या बेशिस्त लोकांसाठी तुझ्याच जीवाशी खेळ का रे? बाबा तू मला शिस्त लावली मीही कायम धाकात राहिले त्यांच्या आईबाबांनी का नाही त्यांना शिस्तीचे धडे शिकवले? आज ते घरट्यात आपल्या मुलांसोबत सुखी असतील पण तुझ्या पोरक्या लेकराचे लाड बाबाविना कोण पुरविल? उद्या पैसे, पुरस्कार मिळतील चार दिवसात तुला विसरतील विचार त्यांना ह्याऐवजी एकदा पुन्हा माझे बाबा आणून देतील? मकरंद 🖊 http://makyachamala.blogspot.com/
Read more

झाली असेल श्रद्धांजली तर आता कामाला लागूया

-
Image
झाली असेल श्रद्धांजली तर आता कामाला लागूया चिरीमिरी देऊन आपली कामे करून घेऊया थोडे पैसे घेऊन उमेदवारांना निवडून देऊया थोडे ईमोजी फोटोशॉप टाकून दुःख व्यक्त करूया देशप्रेम म्हणजे फक्त सैनिकांनी मरायचं आपण मात्र राजरोस मस्त बेशिस्त जगूया जमलंच तर व्हॅलेंटाईनची पार्टी करू या आपल्या मैत्रिणीला घेऊन फिरायला जाऊया क्रिकेटपटूंसारख्या दाढी वाढवून गावभर फिरूया पडद्यावरच्या छापेबाज नायकांची मंदिरे उभारूया नाक्यावर उभे राहून आयटम बघायला जाऊया मोटारसायकलला कीक मारून मर्दानगी दाखवूया सिग्नल तोडून जमलंच तर व्हिली करून दाखवूया स्त्रियांवरच्या अत्याचाराच्या नावाने बोटे मोडूया झाली असेल श्रद्धांजली तर आता कामाला लागूया… मनात खदखदतंय तरीही सध्या एवढ्यावर थांबूया देशभक्त, स्वातंत्र्यवीरांचे भव्य पुतळे चौकात बांधूया शहिदांसाठी कुठल्यातरी पार्कात मेणबत्त्या लावूया वीरांच्या बायका बघतील आपण हळदीकुंकू करूया पोरक्या मुलांना, त्यांच्या आईबापांना सांत्वन देवूया एक सैनिक मेला तर त्यांच्या जागी दुसरा उभा ठेवूया धार्मिक स्थळांना मोठ्या मोठ्या देणग्या वाटूया सार्वजनि...
Read more

ब्रँडिंग

-
Image
  पूर्वी १० * १० च्या खोलीत सगळे मिळून मिसळून, खेळीमेळीने आणि एकजूटीने एकत्र रहात होते. पण कालांतराने जसजसे उत्पन्न वाढते तसतसे १, २, ३, ४ BHK ह्यांची गरज वाढतच जातेय. प्रत्येकाला वैयक्तिक जागेची गरज वाटू लागली आहे. दुसऱ्याची साधी उपस्थिती ही खटकतेय, वैयक्तिक आयुष्यात लुडबूड वाटायला लागली आहे. जेवढी आपली जागा वाढतेय. तेवढाच नात्यातला दुरावा वाढत चालला आहे. पूर्वी आपल्या संस्कृतीची असलेली ओळख आपल्यात असणारी नात्यांची घट्ट वीण दिवसेंदिवस उसवते आहे. पूर्वी त्या छोट्याशा खोलीत सगळे एकमेकांना समजून घेण्यासाठी उपलब्ध होते. आता वैयक्तिक बेडरूममध्ये सगळे आपापल्या रूममध्ये एकटे जगताना दिसतात. सगळे आपापल्या विवंचना घेऊन स्वतःला कोंडून घेतात. पर्यायाने एकाकी पडतात म्हणून मग राहत्या घरातही बंद बेडरूममध्ये आत्महत्या होतात. त्यात कारणे काय तर कर्जाचे हफ्ते थकले, व्यवसायात नुकसान, एखाद्या नात्यातील अपयश, आजार किंवा एकाकीपण. म्हणून मग प्रश्न पडायला लागतो आपणही तेच आपल्या गरजाही त्याच आहेत मग नक्की बदलले काय आहे…   मध्यमवर्गीयांमध्ये पैसा आला आणि सुखाचेही ट्रेंडिंग झाले आपल्या साध...
Read more